حبيبتي الصغيره
المحتويات
ازاي واحده فلاحه زيك انتي هاتفهم حاجه زي دي
الفلاحه دي تبجي ستك و تاج راسك ياه
انا الي جاية من ورا الجاموسه انتي روحي شوفي لبسك و منظرك ده و بعدين تعالي اتكلمي معايا
نزلت و انا مستغرب منهم هما الاتنين و وقفت بينهم بعد ما كانت وعد خلاص الڠضب اتملك منها و تقريبا كده جابت ندي من شعرها
بس انتي و هي هو انتو كل ما تتقابلو تتخانقو
آخرسي يا وعد و آمشي اطلعي علي فوق
لاه مش جبل ما آضربها بنت ال دي
عاجبك قلة ادبها دي يا قاسم
سورى يا ندى و انتي كفايه بقى و اطلعي علي فوق
لاه مش طالعه خليها هي تمشي من اهنه
قولت اطلعي فوق يا وعد يلااااااا
وقفت قصادي و عنيها اتملت بالدموع
اكده يا قاسم
قولت اطلعي فوق
طلعت تجرى و
مالك انتي
كمان واقفه كده ليه ما تقعدي
بصراحه مستغربه انت ليه بالي نفسك بالبلوة دي
قعدت قصادها و حبيت اغير الموضوع خالص و ماتكلمش عنها
جايه ليه يا ندي مش انا قولتلك ماينفعش تيجي هنا
الله يا قاسم انا لما لقيتك مش جيت الشركة قولت اجي انا اطمن عليك عشان كنت تعبان امبارح هو انت مش قولت اننا أصحاب
طب ايه رآيك بقى بما انك بقيت كويس تيجي نروح للعيال في الكافيه دلوقتي احنا بقالنا كتير متجمعناش و هما هناك دلوقتي
اوك اديني دقايق اطلع آغير هدومي و نروح ليهم سوي
سيبتها و طلعت اغير هدومي و قبل ما ادخل اوضتي سمعت وعد و هي پتبكي في اوضتها
مالك پتبكي ليه يا بت عزوز
إكده يا قاسم بتنصر بت ال دي عليا
شششش اسكتي خالص و بطلي طولة لسان
لاه بجى دي بتتريج عليا و علي لبسي
هو ده اللي مزعلك اكيد طبعا لازم تتريق انتي مش شايفه لبسها حلو ازاي و انتي قاعدلي ليل و نهار بالجلاليب دي
و الله بجى هو ده اللبس اللي حداي و اللي اني مستغربة ليه بجي
نعم و انتي مالك باليجي و اللي يقعد
آزاي بجى هو آنت مش جولت اني مرتك
انتي ايه هو انا مش قايلك اني مش عايز حد يعرف الموضوع ده
ليه هو انت مش لسه كنت بتجولي اني مرتك قبل الزفته دي ما تيجي
و ابتسمت ليها بهدوء
ليه هو مش انتي برضو اللي قولتي انه مش هيحصل
آآآآآآني ك ن ت بجول علي اني مش هسيب آوضتي
و آنا مش هاسيبك يا وعد و الكلام اللي قولته هاتنفذيه
وقفت بعنادها الممزوج و هي بتمسح دموعها بكفوفها
لاه مش هانفذ حاجه يا ولد الديب
قبل ماقفل باب آوضتها بصتلها بكل هدوء
آنا خارج دلوقتي و يمكن اتآخر بس لو
جيت مالقتكيش نايمة في اوضتي
هاتعمل ايه يعني
ساعتها بقى ماتلوميش غير نفسك يا فدوه يا صغيرة
قفلت الباب و سمعت بعدها حاجه اترمت عليه
فاضحكت علي عنادها و روحت علي اوضتي البس عشان انزل لندي
آخدتها و روحنا علي الكافيه و هناك اتقابلنا مع الشلة رامي و عصام و دينا
ازيكم يا شباب
هل هلالك يا ابو الديابه ايه يا عم انت تقلان علينا و مش عايز تيجي تسهر معانا ليه
لا و انت الصادق يا رامي قاسم باشا ما بيظهرش غير مع الليدي ندي و بس
و ده يزعلك في ايه بقى يا عصام
لاء و آنا آزعل ليه يا ندى بس يعني نفسنا نعرف يا تري ايه السر في انكم بتظهرو مع بعض و حتي لما بتختفو بتبقو برضو مع بعض
مافيش سر و لا حاجه هو آحنا عشان بنسآل علي بعض يبقي في بينا اسرار ما تتكلم يا قاسم الله قاسم انت سرحان في ايه
ماكنتش مركز معاهم كنت فعلا سرحان فيها و في دموعها و برئتها و هي بتتكلم و زعلانه انها مش لابسه زى البنات هنا
هاه بتقولو ايه معلش ماكنتش مركز معاكم
ردت دينا صحبتنا هي بنت مرحه و حبوبه و مؤدبة و قصيرة شوية لكن بالنسبه لي قصيرة اوي
آممممم اللي واخد عقلك يا قاسم باشا
مالكيش دعوة يا آوزعه انتي
انت
يعني مافيش فايده فيك شايف يا رامي
الله و انا مالي مانتي فعلا بالنسبه ليه آوزعه
هههههههه شوفتي يبقي ماتتكلميش تاني بقي
طب بمناسبة لمتنا دي بقي يا جماعه انا عزماكم علي عيد ميلاد قاسم يوم الخميس الجاي و هانعمله في الڤيلا عنده
عيد ميلاد مين لااااااا آنا ماليش في الحوارت دي خالص يا ندي
الله آنت بتطردنا قبل ما نجيلك و لا ايه يا قاسم ده حتي عيب علي كرم الصاعيده يعني
لاء مش الفكرة بس الحكايه اني مش بحتفل بعيد ميلادي ده خالص
و هو انت
متابعة القراءة
