قصه مريم

وخصوصا لانه لم يسمع اي خبر عن الفتاة بعد تلك الليلة وذلك ما زاد غضبه فهو اشتاق لها بغض النظر عن كل الافكار السلبية التي اخذها عنها عندما باعته نفسها.
وفي اليوم السادس ......
كانت الهام جالسه بجانب مريم وتتوسلها لكي تأكل ولكن الاخيرة كانت ترفض تماما فنزلت دموع الهام وقالت ابوس ايدك يا مريم... بطلي تعملي كدا انتي بتخوفيني عليكي ! 

نزلت دموع مريم وسرعان ما اڼفجرت باكية انا مافضليش حد يا الهام بقيت لوحدي حتى مرام سابتني !
فعانقتها الهام بقوة قائلة متقوليش كدا يا مريم... انا معاكي ومش هسيبك ابدا.
واستمرت مريم في البكاء حتى جفت دموعها وما ان هدأت قليلا حتى سألتها الهام قوليلي بقى يا مريم.. انتي جبتي شنطة الفلوس دي منين
فمسحت مريم اثار دموعها وازدردت ريقها ثم اردفت انا هقولك على كل حاجة... بس اوعديني ان اللي هقولهولك دلوقتي هيبقى سر بينا.
الهام انا بوعدك.
وبدأت مريم تحكي لصديقتها الهام عن كل ما جرى بينها وبين ادهم منذ ان قابلته لأول مرة حتى بعد ان غادرت منزله وهي تحمل حقيبة النقود... حيث اخبرتها عن حقيقة مشاعرها نحوه وانها احبته بصدق ولكن الظروف اجبرتها على ان تبيعه نفسها فتزوجها وعاملها بقسۏة مما چرح مشاعرها وقد شعرت وكأنها عاهرة فصدمت الهام من الذي سمعته وقالت بفزع قولتي ايه انتي اتجوزتي ادهم السيوفي ليوم واحد وبعد كدا.... !!
اومأت مريم برأسها دليلا على نعم اما الهام فوضعت يدها على جبينها واضافت وبعد... وبعد ما حصل اللي حصل طلقك 
مريم لأ لسه...انا مشفتوش تاني بعد اللي حصل ومش عايزه اشوفه ابدا .
الهام طيب هتعملي ايه دلوقتي 
مريم هرجعله فلوسه وبعد كدا هسيب مصر لاني مش هقدر اعيش هنا تاني.
الهام ايه عايزة تسيبي مصر
وتروحي فين 
مريم معرفش... اي حته غير البلد دي وبعيد عن الراجل البارد اللي اسمه ادهم السيوفي دا.
الهام طب وانا... عايزه تسيبيني لوحدي يا مريم
مريم انتي مش لوحدك يا الهام... انتي عندك عيلتك بينما انا .. انا مفضليش حد.
فصمتت الهام قليلا وكأنها كانت تفكر في امرا ما وفجأة قالت لاقيتها...
فنظرت مريم اليها وسألتها ايه هي
الهام ايه رايك نسافر عند عمي عمر اللي ساكن في اميركا انتي تعرفيه دا كان صاحب بباكي الله يرحمه ومش هيعترض لو رحنا عنده .
مريم قصدك انك عايزه تسافري معايا ! 
الهام طبعا لأنك صاحبيتي الوحيدة وانا مقدرش ابعد عنك ابدا .
مريم طيب وعيلتك وشغلك في الشركة انتي عايزة تسيبي كل حاجة بعد ما تعبتي اوي علشان تلاقي الشغل دا

فأمسكت الهام بيد صديقتها وقالت انتي عندي اهم من كل حاجة يا مريم...اما بالنسبة للشغل اساسا انا مش هقدر اكمل فيه بعد ما انتي مشيتي واكيد هنلاقي شغل تاني لما نروح اميركا وانا متأكدة ان حياتنا هتبقى احسن هناك .
مريم طيب وبباكي ومامتك ازاي هيقبلوا انك تسافري وتبعدي عنهم 
الهام هما مش هيعترضوا...اساسا كان نفسهم اني اسافر عند عمي علشان يجوزوني لابنه سعيد اللي كان في فصلنا.. انتي فكراه 
فابتسمت مريم بالرغم من حزنها عندما تذكرت سعيد ذلك الفتى الخجول الذي يكون ابن عم الهام والذي كان معجبا بها ولكنه سافر مع والده منذ سنوات طويلة فقالت ايوا فاكراه .
الهام يبقى مفيش مشكلة... انا هقول لبابا وماما اني عايزه اسافر معاكي وهنروح عند عمي عمر واكيد هما هيتبسطوا اوي.
مريم يبقى اتفقنا... انا هروح اسحب كل الفلوس اللي في حسابي علشان اشتري التذكرة و التأشيرة وهنسافر على طول بس لازم ارجع للراجل اللي اسمه ادهم دا فلوسه الاول .
تسارع في الاحداث.............
مر يومان اخران وقامت مريم بسحب جميع المال الذي كان في حسابها المصرفي ولم يكن بالمال الكثير وجمعت اغراضها لكي تسافر مع صديقتها الهام التي قدمت استقالتها من العمل في شركة رويال والتي تبرعت بأن ترجع المال لادهم عوضا عنها... فذهبت الى مكتبه حيث عادت السكرتيرة سلمى لكي تصبح سكرتيرته الخاصة مجددا وقالت لها ازيك يا مدام سلمى 
سلمى خير يا انسه الهام انتي جيتي هنا ليه
فوضعت الهام حقيبة النقود السوداء على الطاولة امام سلمى وقالت من فضلك تقدري تدي ادهم بيه الشنطة دي 
فنظرت سلمى الى الحقيبة وسألتها ايه الشنطة دي
الهام هو هيعرف ايه اللي جواها بعد ما تقوليله انها من مريم وانها مش محتجاها بعد النهاردة .
فرفعت سلمى حاجبها وقالت قولتي مريم
الهام ايوا... الشنطة دي تخص ادهم بيه وهو سابها مع مريم صاحبتي بس هي حتسافر ومش حترجع هنا تاني علشان كدا طلبت مني ارجعها له وبما انه مش موجود دلوقتي فهسيبها عندك.
سلمى طيب... انا هقول له الكلام دا.
الهام متشكرة.. عن اذنك دلوقتي.
قالت ذلك ثم غادرت... اما سلمى فإنتابها الفضول لمعرفة ماذا يوجد داخل الحقيبة لذا قررت ان تفتحها... وبالفعل فعلت ذلك فشهقت عندما رأت النقود وقالت فلوس بس ليه ادهم بيه ساب فلوسه مع مريم ! 
وفي اليوم التالي ....توجهت مريم برفقة صديقتها الهام وابويها الى المطار وبعد حفلة التوديع التي حدثت بين الهام وامها صعدن في الطائرة وما هي الا نصف ساعة حتى اقلعت من مطار القاهرة الدولي فكانت الهام متحمسة جدا جدا لانها كانت ستسافر لأول مرة في حياتها بينما كانت مريم جالسه بجانب النافذة على بعد خمسة مقاعد من مقعد صديقتها وكانت تحدق بالفراغ بصمت وبوجه حزين.
اما في شركة رويال....
فذهب ادهم الى هناك وكان منزعج كالعادة حيث انه اصبح سريع الڠضب بعد ما حدث بينه وبين مريم صعد الى مكتبه في الطابق الاخير بعد ان تغيب عن العمل في اليوم السابق اي عندما اعادت الهام الحقيبة لأنه كان متعب وقرر البقاء في الفيلة الخاصة به بعيدا عن ازعاج الجميع.. وعندما وصل نهضت سلمى وقالت اهلا يا فندم.
فقال لها ببرود مش عايز اي ازعاج يا سلمى وماتحوليش اي اتصال والغي كل مواعيدي .
سلمى حاضر يا فندم بس في...
فقاطعها بقوله مش عايز اسمع اي حاجه دلوقتي.
قال ذلك ثم دلف الى مكتبه اما سلمى فتنهدت وجلست في مكانها مجددا ...وعندما اصبح في مكتبه وقع نظره فورا على الحقيبة السوداء التي كانت على طاولة المكتب فتوجه نحوها بسرعة وعقد حاجباه عندما رأها قائلا ايه اللي جاب الشنطة دي هنا ! 
قال ذلك ثم فتحها بسرعة... وما ان فتحها حتى اتسعت عيناه عندما رأى نقوده بداخلها ولا ينقص منها اي شيء
حيث ان مريم اعادت ال 200 جنيه التي اخذتهم لكي تدفع لسائق سيارة الاجرة عندما ذهبت الى المشفى في يوم ۏفاة اختها فترك الحقيبة وخرج من مكتبه بسرعة وسأل مين اللي رجع شنطة الفلوس اللي في مكتبي يا سلمى
فنهضت سلمى وقالت جابتها الهام امين صاحبة مريم يا فندم... هي قالت ان مريم حتسافر ومش محتاجة الشنطة دي وطلبت منها ترجعها لك .
في تلك اللحظة تحولت تعابير وجه ادهم الى الجمود وقال في نفسه تسافر لا مش هسمح لها.
قال ذلك ثم ركض نحو المصعد دون ان يقول اي شيء تاركا خلفه سلمى في حيرة من امرها فقالت هو ايه اللي بيحصل في الشركة دي ! 
اما هو فاستقل المصعد حتى نزل الى الطابق الاول وبعدها خرج فصادف كمال في طريقه حيث استوقفه الاخير قائلا ادهم... انت كنت فين امبارح
ولكنه تجاهله تماما وركض حتى خرج من الشركة متوجها نحو سيارته فاستقلها وقادها راجعا للخلف وبعدها انطلق بها بأقصى سرعته... اما كمال فحاول

ان يلحق به ولكن لم يستطيع فوقف يحدق بالسيارة وهي تبتعد قائلا يا ترى ايه اللي حصل ربنا يستر بقى.
ثم عاد إلى داخل الشركة بينما كان ادهم يقود سيارته بسرعة چنونية دون ان يعرف وجهته حيث انه قرر الذهاب الى منزل مريم ولكنه نسي أنه لا يعرف عنوانها ....وسرعان ما ادرك ذلك لذا اوقف السيارة بجانب الطريق وامسك هاتفه واتصل على سكرتيرته سلمى فاجابته فورا ايوا يا فندم .
ادهم عايزك تبعتيلي عنوان البنت اللي اسمها مريم مراد عثمان دي حالا .
سلمى حاضر يا فندم.
فاغلق ادهم هاتفه وانتظر حتى ترسل له سلمى عنوان مريم على احر من الجمر... اما هي فقامت بالبحث عن سيرة مريم الذاتية بين الملفات لكي تعرف عنوانها...وعندما وجدتها ارسلت له رسالة هاتفية تخبره بالعنوان... ففتح الرسالة ثم شغل محرك سيارته مجددا وتوجه إلى البناية التي كانت تسكن فيها مريم بأقصى سرعته ... وما هي الا مدة قصيرة قد مرت حتى وصل الى العنوان فنزل من سيارته وركض بسرعة ثم اقترب من البواب وقال السلام عليكم.
البواب وعليكم السلام .
ادهم لا مؤاخذة تعرف في انهي دور ساكنه البنت اللي اسمها مريم مراد عثمان 
فنظر البواب اليه من الاسفل حتى الاعلى ثم سأله وحضرتك تبقى مين يا استاذ 
ادهم انا جو ... رئيسها في الشغل.
البواب اه فهمت...شقتها في الدور التاني بس انت مش هتلاقيها في البيت دلوقتي .
ادهم امال هلاقيها فين 
البواب دي سابت الشقة ولغت عقد الإيجار امبارح وسابت مصر كلها بعد ما اختها الصغيرة ماټت من اسبوع .
فعقد ادهم حاجباه بشدة وسأله بدهشة قلت ايه
البواب قلت انها سابت من مصر كلها.
فهز ادهم رأسه نفيا وقال پصدمة قلت ان اختها الصغيرة... ماټت ! 
البواب ايوا يا استاذ...المسكينه كانت محتاجة تعمل عملية زرع قلب بسرعة بس لان الانسه مريم اتأخرت ومدفعتش تكاليف العملية الدكاتره مقدروش يدخلوها غرفة العمليات علشان كدا جسمها ما تحملش وماټت الخميس اللي فات .
في تلك اللحظة شعر ادهم بشعور مؤلم للغاية حيث ان قلبه ټحطم الى اشلاء واستحقر نفسه كثيرا بعدما ادرك الحقيقة كاملة وان مريم ضحت بنفسها من اجل ان تنقذ اختها الوحيدة ولكن حبل المنية فرق بينهما... ودون ان يشعر نزلت دموعه مثل زخات المطر لانه ظلم محبوبته كثيرا وعاملها بقسۏة في اليوم الذي تزوجها به وظن بها سوء وجرحها بكلامه كما انه صفعها بقوة ... فتوجه نحو سيارته بخطوات ثقيلة ودموعه تنساب على وجنتيه بصمت وما ان صعد في السيارة حتى فجر بركان المشاعر الذي كان مكبوتا بداخله وصړخ صړخة عالية عبر بها عن كل حزنه العميق وبعدها اخذ يضرب المقود ويلعن نفسه .
اما في الطائرة المتوجهة إلى نيويورك... كانت الهام تغط في نوم عميق بينما كانت مريم تحدق من النافذة وكان جالسا الى جانبها شاب وسيم للغاية ذو شعر اسود وقسمات وعيون خضراء وذقن خفيفة اعطته رونقا خاصا وقد كان يعمل على حاسوبه المحمول بصمت مما جعل منه جذابا للغاية فجأة شعرت مريم بالأعياء فوضعت يدها على