روايه ليث
المحتويات
من موضوع اهلها دول..
فوزيه بحزم خلاص انا علي الاسبوع الجاي هجهز كل حاجه ونعملها مفاحأه وشوف لو عايز تشتري حاجه برا تعيشوا لوحدكم يعني..
رد ليث بسرعه وهدوء لا طبعا احنا هنفضل هناا..
بس اسأل كارمن يمكن تفضل تعيش لوحدها..
مش هسأل لاني متأكد انها هترفض ده اولا ..ثانيا انا مش هبعد واسيبكم ياامي ...
ماشي ان شاء الله ..
نظر لها ليث ولفستانها الاكثر من رائع والذي يبرز جمالها...
انتي رايحه فين
نازله الجامعه ..انا كنت ناسيه خالص ان بقالي اسبوع غايبه بس صفاء كلمتني اجهز الصبح..
ودي هدوم تروحي بيها الجامعه !!
نظرت الي
ملابسها وقالت ياستغراب ايه وحش الفستان ده جميل جدا ..
تجاهلها ليث واستكمل حديثه لكارمن اطلعي غيري مش حلو عليكي..
كارمن بحزن طيب حاضر هغيروا واجي..
صفاء بينما تصعد كارمن ليه يا ابيه ده فستان حلو اوي..
ليث بضيق عارف انه حلو بس مش لايق عليها..
انزعجت كارمن التي سمعت هذه الكلمات وشعرت بحزن وكادت ان تبكي
كارمن لنفسها انتي هبله هتعيطي عشان ايه ..ان شاء الله ماعجبه اصلا..مش لايق عليا !! لو مش عجباه يروح يتجوز غيري..انا غلطانه اصلاا اني بهتم بمظهري عشانه وهروح الرحله وهتبسط كمان هااه ..انا مش طايقاه اصلا ....اوصل ليث كارمن وصفاء للجامعه وازعجه كثيرا ان كارمن كانت تتجاهله طوال الطريق ولم تنظر له حتي..
______
في الجامعه.....
صفاء بفرحه مش قادرة اصدق هنطلع الرحله خلاااااص..
كارمن بملل ااه..
عايزاني اعمل ايه يعني..ارقصلك في الكليه..سيبيني في حالي هلاقيها منك ولا من اخوكي..
ايه ده بقاا انتي زعلانه من ابيه
ولا ايه..
كارمن بلا مبالاه عادي مش هتفرق المهم هنعمل ايه بكرة ..
كارمن بتوتر طيب وافرضي ماما قالتله يافالحه...
منقلقيش انا سايبه احمد يقنعها في البيت...
_________
في منزل السوهاجي.....
فوزيه بخضه يانهار اسووود لا طبعا ده اخوك هيخليها رحله سوده عليكم كلكم..
احمد يا ماما ياحبيبتي وهو هيعرف منين بس..
فوزيه باستسللم انت حر انت وهما بقاا بس لو عرف انا ماليش دعوه..
احمد بفرح ربنا يخليكي لينا يارب ..انا كل اللي عايزة لو كلمك متقوليش احنا فين بس كده واتأكدي اننا هنرجع هنا قبل ما ابيه يرجع..
في المساء جهز الثلاثه للرحله وقبلوا فوزيه وانطلقوا في طريقهم...ووصلوا بعد ساعات قليله واتجه احمد الي غرفته في الفندق و صفاء وكارمن الي غرفتهم ...نامت صفاء تحلم بما ستفعله صباحا مع اصدقاءها وكارمن...
وصل ليث الي فرنسا في الصباح الباكر... مر اليوم الاول بعد مقابلات عديده مع الشركه المستضيفه له ...
صفاء پغضب لا بجد كده كتير الصبح قولتي تعبانه ومنزلتيش البحر او الغدا وفضلتي حابسه نفسك في الاوضه لكن دلوقتي مش هسيبك غير وانتي معانا في السفاري دي....
كارمن بزهق اوووف ياصفاء سيبيني بقااا انا تعبانه..
لا ياكارمن لا ..يلا قدامي بقااا...
طيب يازفته هلبس واحصلك...
هييييييييه يلا هستناكي في اللوبي تحت متتأخريش...
..............
نرجع الي باريس وليث...
كان يستعد للنوم وتفكيره الشاغل هو كارمن وكان يقكر بصوت عالي لنفسه ياتري عرفتي ازاي ياكارمن اني جاي هنا وليه اتوترتي اوي كده...في سر مخبياه عني بس انا هعرفه ومش هسيبك يا كارمن..
قرر الاتصال بها والسؤال عليها ولكن هاتفها مغلق ..رمي بهاتفه بعيدا پغضب ..
اهدي اكيد نايمه ..بس دي معبرتنيش من ساعه ماسافرت للدرجه دي انا مش فارق معاها...ماااشي ياكارمن انا هربيكي ...
اراد النوم ولكن قلبه غلب عقله وامسك هاتفه مره اخري يتصل علي والدته ..
ردت فوزيه بنعاس الو
الو ياامي انا صحيتك ولا ايه معلش..
لا ياحبيبي انا كنت هكلمك من بدري بس كنت خاېفه تبقي الدنيا ليل انا معرفش فرق التوقيت هناك..
انتي تتصلي في اي وقت يا ماما وبعدين التوقيت واحد زي مصر بالظبط...
طيب ياحبيبي المهم انت كويس..
اه يا ماما وانتو وكارمن اخباركم ايه..
فوزيه بتوتر وصوت خافض كويسين كلنا ومستنينك..
مالك ياامي حد حصلوا حاجه..
لالا ابدا انا بس عايزة انام ومش مجمعه..
طيب روحي نامي وهنصل اطمن عليكي بكرة..
مع السلامه..
مع السلامه ياامي..
................
في شرم الشيخ ...
وقفت كارمن ف اللوبي تنتظر صفاء التي صعدت تنادي احمد ....فجأه جاء محمد من ورائها..
محمد ازيك ياانسه كارمن..
الحمدلله وانت
انا تمام الحمدلله وحشتينا والله الفتره اللي فاتت..
كارمن باحراج فهي تعلم برغبته في الزواج منها وتتعجب من وقوفه معها الان...
احم شكرا ..
كنتي فين صحيح..
مفيش ظروف عادي...
طيب هو انا ممكن اسألك سؤال...
قاطعهم وصول صفاء واحمد وباقي الطلاب وذهب الجميع الي الاتوبيس للقيام بالسفاري....
عندما همت كارمن بصعود الباص رن هاتفها ... رأت اسم ليث يضئ علي الشاشه فكادت ان تصاب بسكته قلبيه ..نزلت بسرعه واتجهت بعيدا عن الباص لترد عليه ...
ليث پغضب الوو مش بتردي ليه وتلفونك علطول مقفول..
كارمن پخوف مفيش انا كنت هنام
متابعة القراءة
